SINOVA CRM maxfiylik siyosati

1. Ma’lumot egasi kim

Sayt tashrifchilari va bizga so‘rov qoldirganlar. Siz crm.sinova.uz saytida demo yoki taklif so‘rasangiz, ma’lumotingiz egasi va operatori SINOVA.

O‘quv markazlari, maktablar va korxonalar bazasidagi ma’lumotlar. O‘quvchilar, ota-onalar, ariza qoldirgan odamlar (lidlar) va xodimlar haqidagi ma’lumotlar egasi va operatori shu tashkilotning o‘zi (keyingi o‘rinlarda «markaz»). SINOVA bu ma’lumotlarga faqat markaz topshirig‘i bilan, CRM xizmatini ko‘rsatish uchun ishlov beradi. Bu ma’lumotlar bo‘yicha savol yoki so‘rov bo‘lsa, avvalo markazning o‘ziga murojaat qiling. Biz ham yordam beramiz (9-bo‘lim).

2. Qanday ma’lumotlar

Sayt so‘rovlari: ism, telefon, faoliyat yo‘nalishi, ixtiyoriy tashkilot nomi, so‘rov va rozilik vaqti, reklama manbasi (manba, kanal, kampaniya belgisi).

Markaz bazasida (markaz nimani kiritsa):

• o‘quvchilar: ism-familiya, telefon, tug‘ilgan sana, ota-ona telefoni, manzil, Telegram foydalanuvchi nomi, rasm (ixtiyoriy), guruh, davomat, baholar, to‘lovlar va qarz;
• ota-onalar: telefon, botga ulansa Telegram chat raqami;
• lidlar (arizalar): ism, telefon, ariza formasidagi javoblar, qaysi reklamadan kelgani (manba va kampaniya nomi), menejer izohlari va qayta aloqa vaqti;
• xodimlar: ism, login, telefon, e-mail, rol, ish jadvali, ish haqi (faqat rahbar va buxgalter ko‘radi). Parol ochiq holda saqlanmaydi.

Texnik ma’lumotlar: kirish sessiyasi, tanlangan til, ko‘p urinishni cheklash uchun so‘rov manbasi bo‘yicha hisoblagich, amallar jurnali (kim, qachon, nimani o‘zgartirdi).

3. Nima uchun ishlatamiz

• CRM ishlashi uchun: o‘quvchilar, guruhlar, to‘lovlar, davomat va lidlarni yuritish;
• ota-onaga markaz nomidan xabar yuborish (davomat, to‘lov, qarz, baholar), faqat ota-ona botga o‘zi ulangan bo‘lsa;
• lidlar bilan aloqa: ariza qoldirgan odam bilan markaz menejeri bog‘lanadi;
• xavfsizlik: ruxsatsiz kirishning oldini olish, xatolarni aniqlash;
• zaxira nusxasi va tiklash;
• sayt so‘rovlari bo‘yicha siz bilan bog‘lanish, demo va taklif tayyorlash.

Ma’lumotlarni sotmaymiz, o‘z reklamamiz uchun ishlatmaymiz va markazning ruxsatisiz boshqalarga bermaymiz.

4. Kimlarga beriladi

Faqat xizmat ishlashi uchun zarur bo‘lgan tashkilotlarga:

• Cloudflare, Inc.: CRM serverlari, ma’lumotlar bazasi va himoya;
• Telegram: ota-onaga xabarnomalar (markaz boti ulangan bo‘lsa) va kunlik zaxira nusxalari. Zaxira nusxalari shifrlangan holda yuboriladi, kalitsiz o‘qib bo‘lmaydi;
• GitHub: dasturni yangilash va boshqaruv tizimining zaxira nusxasi (shifrlangan);
• Meta (Facebook, Instagram): faqat markaz o‘z ariza formasida Meta Pixel’ni yoqqan bo‘lsa. Bunda brauzeringiz Meta’ga «sahifa ochildi» va «ariza qoldirildi» hodisalarini yuboradi. SINOVA ism va telefonni Meta’ga yubormaydi. Meta Pixel sozlamalarini markaz boshqaradi.

Qonunda belgilangan hollarda vakolatli davlat organlarining so‘roviga ko‘ra ma’lumot berilishi mumkin.

5. Qayerda saqlanadi

Ma’lumotlar Cloudflare ma’lumotlar markazlarida, asosan Sharqiy Yevropada, ya’ni O‘zbekiston Respublikasi hududidan tashqarida saqlanadi. Markaz CRM’dan foydalanishni boshlashda shunga rozilik beradi.

6. Cookie va brauzer xotirasi

• kirish sessiyasi: CRM’ga kirgan xodim uchun, busiz tizim ishlamaydi;
• til: tanlangan til (o‘zbek yoki rus);
• reklama belgisi: crm.sinova.uz sahifasida brauzer varag‘ining vaqtinchalik xotirasida ko‘pi bilan 24 soat;
• Meta Pixel: faqat markaz yoqqan ariza formasida.

crm.sinova.uz sahifalarida tashqi reklama kuzatuv piksellari yo‘q. Sahifa ko‘rilishi va tugma bosilishi kabi oddiy hodisalar o‘z serverimizda sanaladi, ularga ism, telefon yoki to‘liq manzil qo‘shilmaydi. Brauzer Do Not Track yoki Global Privacy Control signalini yuborsa, bu hodisalar jo‘natilmaydi.

7. Qanday himoya qilinadi

• barcha ulanishlar HTTPS orqali;
• parollar qaytarilmas xesh ko‘rinishida saqlanadi;
• bot tokenlari, ikki bosqichli kirish kalitlari va ota-ona havolalari shifrlangan;
• noto‘g‘ri kirish urinishlari cheklanadi, ixtiyoriy ikki bosqichli kirish bor;
• har kuni shifrlangan zaxira nusxasi olinadi va alohida bazaga tiklab tekshiriladi;
• SINOVA xodimi markaz CRM’iga faqat markaz rahbari ruxsati bilan kiradi: muddatli, faqat ko‘rish huquqi bilan, har kirish jurnalga yoziladi.

8. Qancha saqlanadi

• markaz bazasidagi ma’lumotlar: markaz CRM’dan foydalangan davr davomida. Markaz yozuvni o‘chirsa, u bazadan o‘chadi;
• xizmat tugagach: ma’lumotlar 30 kun faqat ko‘rish va eksport uchun qoladi, keyin zaxira nusxalari bilan birga 90 kun ichida o‘chiriladi;
• sayt so‘rovlari: 1 yil yoki siz so‘raganingizda o‘chiriladi;
• kirishni cheklash yozuvlari: bir necha daqiqadan bir necha kungacha; amallar jurnali: markaz CRM’i davomida.

9. Sizning huquqlaringiz

Siz o‘zingiz haqingizdagi ma’lumotni bilish, tuzatish, o‘chirish va berilgan rozilikni qaytarib olishni so‘rashingiz mumkin:

• markaz bazasidagi ma’lumot (o‘quvchi, ota-ona, ariza) bo‘yicha markazning o‘ziga murojaat qiling, markaz uni CRM’da tuzatadi yoki o‘chiradi;
• ota-ona xabarnomalarini istalgan vaqtda to‘xtatish uchun botga /stop yozing;
• biz bilan aloqa: +998 91 428 48 38. Begona odamning ma’lumotini o‘chirib yubormaslik uchun so‘rov egasini aniqlashtiramiz.

10. Bolalar ma’lumotlari

O‘quvchilar voyaga yetmagan bo‘lishi mumkin. Ularning ma’lumotlarini CRM’ga kiritish va ota-onaga xabar yuborish uchun rozilikni markaz ota-onadan oladi.

11. O‘zgartirishlar

Siyosat yangilansa, yangi tahrir shu sahifada sanasi bilan e’lon qilinadi. Jiddiy o‘zgarish bo‘lsa, markazlarga CRM orqali oldindan xabar beriladi.

Operator: YaTT Solayev Sanjarbek Muxtor o‘g‘li, JShShIR 31805977180034, Xorazm viloyati, Urganch shahri, Islom Karimov ko‘chasi, 77A-uy.